Volite li višnje?

Višnje su poznate po ljekovitim osobinama i antioksidativnom dejstvu. Bogate su vitaminima A, C, E i folnom kiselinom, mineralima kalijumom, magnezijumom, gvožđem i vlaknima. Jaka protivupalna svojstva čine ih korisnim za smanjenje bola kod gihta i upale mišića, osteoartritisa i reumatoidnog artritisa. Istraživanja potvrđuju da 20 višanja dnevno ili koncentrat te količine višanja imaju isti efekat na bol kao aspirin ili ibuprofen.

Višnja je jedna od rijetkih vrsta voća koje sadrži melatonin – prirodan hormon koji reguliše san. Naše tijelo inače prirodno luči hormon melatonin koji se oslobađa samo tokom noći, obično nakon devet sati uveče i tako podstiče san. Prije spavanja popijte čašu čistog višnjinog soka. To će vam omogućiti dubok, neprekidan i opuštajući san.

Melatonin se takođe koristi u liječenju tegoba menopauze, odvikavanja od lijekova, kod raka dojke i prostate, hiperaktivnosti i deficita pažnje.

Višnje su dostupne tokom čitave godine u smrznutom, kandiranom, sušenom ili konzerviranom obliku i kao sok, ali su sirove ipak najzdravije. Da biste iskoristili sve prednosti višnje, dnevno konzumirajte jednu do dvije šoljice ovog voća. Mnogo je jela u kojima možete da ih koristite, a to su različiti deserti, kolači, sosevi, džemovi, sokovi, kompoti i drugo.

Sok od višanja

Sastojci: 5 kg višanja, 2 kg šećera, 20 g limunske kiseline, 1 l vode

Priprema: Očišćene višnje pomiješajte s limunskom kiselinom i vodom. Ostavite 24 sata, procijedite kroz gazu, dodajte šećer i miješajte dok se ne otopi. Ulijte sok u sterilizovane boce, pa ih dobro zatvorite.

 

Booking.com

Možda vam se dopada

Komentari

učitavam...