Ako vam je kosa suva, beživotna i lomi se, pokušajte da je nahranite aktivnim sastojcima iz namirnica koje vjerovatno imate u kući. Bjelanca, banane, kokosovo ulje, ovsene pahuljice ili avokado djeluju odlično na kosu, a nakon nanošenja je važno da je isperete i operete šamponom.
Ipak, prije nego što se upustite u ovaj beauty ritual, svakako pazite da niste alergični ili intolerantni na neke od namirnica koje se koriste, piše Bright Side.
Bjelanca
Jaja imaju puno bjelančevina, tako da redovna konzumacija jaja može da održi vašu kosu zdravom. Korištenje jaja u maskama za kosu takođe može da spriječi gubitak i lomljenje kose, da popravi oštećenu kosu i da podstakne njen rast. Bjelanca možete da nanesete na kosu samostalno ili u kombinaciji sa drugim sastojcima.
Maska: Uzmite dva jaja. Odvojite bjelance od žumanca, trebaće vam samo bejlanca. Dodajte dvije kašike kokosovog ulja. Umutite sve sastojke i nanesite ih na vlažnu kosu. Držite masku 20 minuta, a zatim je isperite hladnom vodom. Operite kosu šamponom i isperite.
Aloe vera
Aloe vera koristi se vjekovima zbog pozitivnih efekata na zdravlje i izgled. Posebno je dobra za masnu, kovrčavu ili lomljivu i suvu kosu. Aloe vera može da hidrira kosu, a može i da je ojača i smanji gubitak kose.
Maska: Uzmite dvije kašike aloe vere, dodajte jednu kašiku maslinovog ulja. Pomiješajte i nanesite na kosu, počnite od sredine i idite prema vrhovima. Zatim nanesite masku na tjeme. Stavite kapu za tuširanje i omotajte peškir oko glave, kako maska ne bi curila.
Držite masku 30 minuta, a zatim operite kosu.
View this post on Instagram
Avokado
Avokado sadrži prirodna ulja, zdrave masne kiseline, vitamine i minerale koji mogu da nahrane vašu kosu i spriječe lomljenje. To može biti posebno korisno za dehidriranu kosu.
Maska: Zgnječite jedan avokado. Dodajte jednu kašiku ulja ružmarina i jednu kašiku kokosovog ulja. U drugoj posudi umutite jedno žumance. Pomiješajte sve sastojke i nanesite na kosu. Ostavite masku da djeluje 10 do 20 minuta, a zatim operite kosu.
Kokosovo ulje
Korišćenje kokosovog ulja za obnavljanje kose će je hidrirati, spriječiti lomljenje i gubitak proteina iz vlasi. Kad se kosa pokvasi i upije vodu, to uzrokuje strukturne promene zbog kojih ju je lakše oštetiti. Kokosovo ulje možete nanijeti prije nego što operete kosu, a ono će spriječiti da kosa upije previše vode. Možete ga primijeniti i nakon tuširanja, što će vašu kosu učiniti mekšom i manje će se lomiti.
Banane
Banane sadrže silicijev dioksid koji telu može da pomogne da proizvede više kolagena, a kosu čini debljom i jačom. Takođe, banane mogu da omekšaju kosu.
Maska: Uzmite jednu ili dvije banane i zgnječite ih. Dodajte jednu kašiku kokosovog ulja. Pomiješajte sastojke dok ne dobijete ujednačenu teksturu. Smjesu nanesite na kosu i pustite da odstoji 10 do 15 minuta, a zatim isperite.
Ovsene pahuljice
Ovsene pahuljice sadrže puno vlakana koja mogu da navlaže kosu i pospješe njen rast, kao i da kosu učine bujnijom.
Maska: Tri kašike ovsenih pahuljica sameljite u mlinu za kafu. Dodajte pola šoljice mlijeka, jednu kašiku kokosovog ulja i jednu kašiku meda. Sve to pomiješajte i nanesite na suvu kosu, umasirajte i u tjeme. Držite masku 30 minuta, a zatim operite kosu šamponom.
Med
Zbog svih vitamina i minerala koje sadrži, a takođe i zbog svojih antioksidativnih svojstava, med može da oživi suvu kosu, smanji lomljenje i učini je zdravom.
Recept: Pomiješajte pola šoljice meda i četvrtinu šoljice maslinovog ulja. Stavite u mokrotalasnu na 20 sekundi, još jednom promiješajte i pustite da se ohladi. Nanesite masku na kosu prstima ili četkom, počnite od tjemena. Stavite kapu za tuširanje i pustite masku da odstoji 30 minuta. Zatim operite kosu šamponom.
View this post on Instagram
Zeleni čaj
Zeleni čaj može da smanji gubitak kose i pospješi njen rast. Uživajte u njegovim antioksidativnim svojstvima ispijanjem ili tako što ćete njime ispirati kosu: ulijte kipuću vodu u šoljicu sa 1-2 vrećice zelenog čaja. Ostavite da stoji pet minuta i pričekajte dok se potpuno ne ohladi. Operite kosu i isperite je zelenim čajem na kraju tuširanja.
Mlijeko
Nanošenjem mlijeka na kosu možete pružiti obilje vitamina i proteina, što će je učiniti jačom i mekšom.
Maska: Pomiješajte malo mlijeka, meda i banana. Smjesu nanesite rukama ili, ako konzistencija to dopušta, upotrijebite bočicu sa raspršivačem. Držite smjesu 20 do 30 minuta na glavi, a zatim isperite.
