Pluz size šarm

Ešli Grejem pomjera granice

Istinska revolucija u modnom svijetu počela je prvim koracima plus size modela na revijama velikih brendova i poznatih dizajnera. Jedna od njih je danas 30-godišnja Amerikanka Ešli Grejem, najangažovanija i najpoznatija plus size djevojka u svijetu modelinga. Iako ima oko 90 kilograma, nimalo se ne stidi svoga tijela – naprotiv. Ešli reklamira i kupaće kostime i veš, a na samopouzdanju joj zavide mnoge djevojke koje svoje proporcije smatraju idealnim. Prošla godina je počela sjajno za nezaustavljivu Ešli, koja je u februaru učestvovala na reviji Majkla Korsa, iako je prethodno izjavio kako je nemoguće da angažuje pluz size modele, s obzirom da je oduvijek preferirao premršave djevojke. Može se pohvaliti i da je nedavno pozirala Mariju Testinu, i tako postala prva “bujna djevojka” koja se našla pred objektivom slavnog fotografa. Ali, kada je Ešli u pitanju, ništa nije nemoguće! Zbog toga njeni fanovi nestrpljivo očekuju koji će biti Ešlin sljedeći korak.

Možda vam se dopada

Komentari

učitavam...