Tajna uspjeha poslovnih žena

Ako se žena ponaša kao muškarac, narušava svoju priliku za uspjeh

Karakteristike koje odlikuju uspješnog muškog menadžera nisu poželjne kod žena. Drugim riječima, za uspjeh u poslovnom svijetu žene moraju biti ženstvene. Žene koje žele uspjeti u poslu trebalo bi se odupru porivu da se ponašaju kao muškarci, kažu naučnici. Njihove studije pokazale su da žene koje odaberu agresivniji pristup u profesionalnoj karijeri sporije napreduju od onih koje biraju ženstveniji pristup. Uočeno je da žene koje su sklonije prilagođavanju brže napreduju. Naučnici kažu da je najbolje za ženu da se ponaša kao dama ako želi da uspije u muškom poslovnom svijetu. Nekoliko je istraživanja pokazalo da pretjerano samopouzdane žene s velikim apetitom za uspjeh zapravo sporije napreduju od žena koje su nježnije i ne teže uspjehu po svaku cijenu. Iako su samopouzdanje i ambicioznost u poslovnom svijetu na cijeni kod muškaraca, čini se da za žene ipak vrijede drugačija pravila igre. Stručnjaci kažu da je tajna u tome što pretjerano ambiciozne žene izgube ženstvenost pa ih kolege manje vole jer su agresivne i to im onda postaje prepreka na putu napretka. Uočeno je i da žene koje imaju muške karakteristike, ali ih svjesno kontrolišu te se nastoje ponašati ženstvenije, takođe brže napreduju. ‘Ako se žena ponaša kao muškarac, narušava svoju priliku za uspjeh. One karakteristike koje odlikuju uspješnog muškog menadžera nisu poželjne na ženama’, naglasila je dr Olivija O’Nil koja je vodila istraživanje.

Možda vam se dopada

Komentari

učitavam...